O «3×3 FGB» consolida aos seus Finalistas

O «3×3 FGB», listo para a súa Gran Final. Tras a disputa das súas dúas Series Previas en A Coruña (04/11/22) e Ourense (11/06/22), o novo circuito «3×3 FGB» xa coñece aos 16 equipos clasificados que terán a posibilidade de disputar en Compostela, o vindeiro 25 de xuño, a xornada decisiva desta nova aposta da Federación Galega de Baloncesto polo formato 3×3.

Con éxito de ambiente e participación tanto en A Coruña como en Ourense, o Circuito «3×3 FGB» trasladou a ambas as sedes previas o espíritu do baloncesto na rúa. Gracias á indispensable colaboración dos Concellos de A Coruña e Ourense, o formato 3×3 deu así un novo paso para a súa oficialidade no Baloncesto galego. A participación de equipos chegados de diferentes puntos de toda a Comunidade refrendárono. 

A Final

O peche desta estrea do Circuito «3×3 FGB» celebrarase o sábado 25 de xuño na praza exterior do compostelano Centro Comercial Área Central. A cita contará, ademáis de coa propia competición, con novos alicientes para que a xornada non deixe indiferente: Música en directo, Concurso de Tiro, Máquina de Tiro para os afeccionados e importantes premios en metálico.

O equipo vencedor nesta Final farase cun total de 2000 €. Pola súa banda, o subcampión recibirá a cifra de 1000 euros, e os semifinalistas tamén terán o seu recoñecemento monetario por un valor de 300 euros para cada equipo.

Esta Final contará ademáis con Retransmisión en Directo vía FEGABA TV.